Акафист киприана и устиньи — Много молитв

Акафист священномученику Киприану и мученице Иустине

Радуйся, священномучениче Киприане, скорый помошниче и молитвенниче о душах наших.

Икос 1

Радуйся, обращением твоим Ангелов удививый; радуйся, лик святых возвеселивый.

Радуйся, мудрость свою показавый; радуйся, за Христа венец приявый.

Радуйся, яко тобою бесы отгоняются; радуйся, яко тобою болезни исцеляются.

Кондак 2

От художества волшебнаго обратився, богомудре, к познанию Божественному, показался еси миру врач: мудрейший, исцеления даруя чествующим тя, Киприане, со Иустиною, с неюже молися Человеколюбцу Владыце спасти души наша, поющих: Аллилуиа.

Икос 2

Радуйся, хитрости демонския изучивый; радуйся, прелести служения его обличивый.

Радуйся, змия лукаваго посрамивый; радуйся, Христа прославивый.

Радуйся, мудрых мира сего мудрейший; радуйся, разумнейших разумнейший.

Кондак 3

Сила Вышняго просветила есть ум твой, Киприане, егда не имеяше успеха в чародействе Аглаида ко Иустине, бесы рекли ти: «Мы Креста боимся и силу теряем, егда Иустина молитися имать». Он же рече им: «Аще вы Креста боитесь, то колико Распятый на Кресте страшнее вам есть», и, познав слабость бесовскую, вшед в храм Господень, пояше со всеми верными: Аллилуиа.

Икос 3

Радуйся, силою свыше просвещенный; радуйся, Господом вразумленный.

Радуйся, силу Креста познавый; радуйся, демонов от себя отгнавый.

Радуйся, жизнь свою исправивый; радуйся, стопы в Церковь направивый.

Кондак 4

Буря помышлений одержаше тя: како прияти крещение. Взем же свои чародейския книги, святый сложиша я на средине града и зажже их, поя Богу: Аллилуиа.

Икос 4

Радуйся, духов злобы победивый; радуйся, чародейския книги попаливый.

Радуйся, христианином быти возжелавый; радуйся, святое крещение приявый.

Радуйся, епископом наставленный; радуйся, чтецем во храме поставленный.

Кондак 5

Акафист киприана и устиньи - Много молитв

Боготканную одежду святаго крещения приявше, о Киприане, усердно молился к Богу о прощении грехов, прежде содеянных, неустанно воспевая Богу: Аллилуиа.

Икос 5

Радуйся, день и нощь к Богу взывавый; радуйся, руце свои к Нему простиравый.

Радуйся, о прощении Того просивый; радуйся, слезныя молитвы Ему приносивый.

Радуйся, пламенную любовь к Богу показавый.

Кондак 6

Проповедник истины Христовой явился еси, славный священномучениче Киприане, поревновавый боговидцем Апостолом, просвещая люди Христовым учением, они же, познавше Господа Иисуса Христа, поют Богу: Аллилуиа.

Икос 6

Радуйся, во епископа посвященный; радуйся, на высоту орла вознесенный.

Радуйся, граде, верху горы стоящий; радуйся, светильниче, пред Богом горящий.

Радуйся, молитвенниче к Богу неустанный; радуйся, учителю, Богом дарованный.

Кондак 7

Хотя Человеколюбец Господь всем спастися, дарова нам дивнаго молитвенника, заступника и целителя от духов злобы поднебесных, делы бо и словесы твоими приводил еси многих к покаянию и исправлению греховныя жизни, научая всех пети Богу: Аллилуиа.

Икос 7

Радуйся, волшебных козней разрушителю; радуйся, страшных бесов прогонителю.

Радуйся, от тебя же духи злобы, яко дым исчезают; радуйся, тяжко мучимых тии скоро оставляют.

Радуйся, от бед и скорбей скоро избавляющий; радуйся, страдания в радость обращающий.

Кондак 8

Странное чудо является притекающим к тебе с верою, священномучениче Киприане, ибо данною тебе от Бога благодатию изгоняти духи нечистыя, мучащия человека, бесы изгоняются, больные исцеляются и поют Богу: Аллилуиа.

Икос 8

Радуйся, всем сердцем Христа возлюбивый; радуйся, добродетельми преисполненный.

Радуйся, недугующим и разслабленным поможение; радуйся, в скорбех и печалех утешение.

Радуйся, наветов и искушений, от мира, плоти и диавола находящих, прогонителю; радуйся, всех болезней душевных и телесных исцелителю.

Кондак 9

Вся Ангельская воинства возвеселишася, видя тя воина Царя Небеснаго непоколебима и со дерзновением Христа проповедавша, егда веден был на мечное сечение вместе со Иустиною. Ты же болезноваше за нея, да не отречется от Христа, егда увидит тя усекнута, увещал еси мучителей, да исперва ю, а по ней и тя усекнут; подклонив же под меч главы своя Богу воспели есте: Аллилуиа.

Икос 9

Радуйтеся, веры Христовой непоколебимии исповедницы; радуйтеся, Пречистыя Троицы дерзновеннии проповедницы.

Радуйтеся, мучения лютая нивочтоже вменившии; радуйтеся, яко страдания ваша в храмах Божиих величаются.

Кондак 10

Спасти хотя души всех одержимых нечистыми духами, не преставал еси взывати ко Господу, священномучениче Киприане, тебе бо дадеся благодать молитися за ны, да помиловани и очищени воспоим Богу: Аллилуиа.

Икос 10

Радуйся, смирением духов злобы победивый; радуйся, огнем молитвы стрелы вражия попаливый.

Радуйся, от враг видимых и невидимых стено и ограждение; радуйся, Православныя Церкве преславное украшение.

Кондак 11

Пение непрестанное Пресвятей Троице паче иных принесл еси, священномучениче Киприане, за Господню милость к падшим грешником, Иже благоволи недостойнаго достойным сотворити и сопричесть святому Его стаду. Мы же, благодаряще Бога за таковую милость к нам грешным, зовем Ему: Аллилуиа.

Икос 11

Радуйся, яко Господь милость Свою к падшим грешником на тебе показа еси; радуйся, яко тя из рова погибели, яко овча заблудшее, изъял есть.

Радуйся, из недостойнаго достойным сотворенный; радуйся, святому стаду Христову сопричтенный.

Кондак 12

Благодать дана ти от Бога попирати силу вражию и всякое сатанинское нахождение, победил бо еси враги твоя и мученической кончины достигл еси, ныне же, предстоя престолу Царя славы, молися о нас, да избавимся от пленения диавольскаго и избавлены вопием Богу: Аллилуиа.

Икос 12

Радуйся, от находящих вражиих сил скорое защищение; радуйся, от скорбей и печалей избавление.

Радуйся, Христа до конца возлюбивый; радуйся, душу свою за Него положивый.

Радуйся, в крови Агнчей омывыйся; радуйся, во дворех Господних вселивыйся.

Радуйся, к сонму святых сопричтенный; радуйся, Трисиянным Светом озаренный.

Кондак 13

О предивный и преславный угодниче Божий, священномучениче Киприане, скорый помощниче всем к тебе прибегающим, приими от нас недостойных хвалебное пение сие, от недугов исцели, от враг видимых и невидимых заступи и вечнаго мучения избавитися нам Господа умоли, да с тобою воспеваем: Аллилуиа.

Этот кондак читается трижды, затем 1-й икос: «Ангельския силы…» и 1-й кондак: «Избранный от диавольскаго служения…».

Молитва

О снятый угодниче Божий, священномучениче Киприане, скорый помощниче и молитвенниче о всех к тебе прибегающих! Приими от нас, недостойных, хваление сие, испроси у Господа Бога в немощех укрепление, в печалех утешение и всем вся полезная в жизни нашей; вознеси ко Господу благомощную твою молитву, да оградит нас от падений греховных, да научит нас истинному покаянию, да избавит нас от пленения диавольскаго и всякаго действа духов нечистых и укротит обидящих нас.

Буди нам крепкий поборник на вся враги видимыя и невидимыя, подаждь нам терпение во искушениих и в час кончины нашея яви нам заступление от истязателей на воздушных мытарствех, да водимии тобою, достигнем Горняго Иерусалима и сподобимся в Небеснем Царствии со всеми святыми славити и воспевати пресвятое имя Отца и Сына и Святаго Духа во веки веков. Аминь.

Тропарь, глас 4

  • Молитва
    священномученику Киприану и мученице Иустине
    .
    Будучи колдуном, Киприан по заказу богатого юноши
    язычника, наводил чары на Иустину, чтобы склонить ее
    браку. Однако, видя тщетность попыток сломить ее,
    обратился в христианство, и сам принял мученическую
    кончину за Христа в сане епископа вместе со святой
    девою Иустиной. По молитвам святых Киприана и
    Иустины многие христиане избавились от лукавых
    духов, получили защиту от бесовских искушений, им
    молятся о вразумлении людей, занимающихся
    оккультизмом, магией, гаданиями и т.п.
Понравилась статья? Поделиться с друзьями:
Твоя молитва
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

Adblock detector