Православная молитва всем святым

^ Молитва пророку Илии (20 июля/2 августа)

О вели́кий уго́дниче Христо́в, святи́телю О́тче наш Иоаса́фе, ско́рый помо́щниче и ди́вный чудотво́рче! При́зри ми́лостивно на ны неду́гующия. Ве́мы, уго́дниче Христо́в, ве́мы, и усты́ и се́рдцем испове́дуем, я́ко по дело́м на́шим беды́ постиго́ша нас. С разбо́йником благоразу́мным испове́дуем Го́сподеви, я́ко досто́йная по дело́м на́шим восприе́млем и зла́я сия́ я́коже раби́ неключи́мии терпи́м.

Си́ми бо вре́менными муче́ньми Госпо́дь милосе́рдый сокруша́ет горды́ню и жестоковы́йное се́рдце на́ше, да ве́чныя избежи́м ка́зни, гре́шником угото́ванныя: се́яхом бо се́мена жития́ своево́льнаго и жнем те́рния скорбе́й. Оба́че, не́мощни су́ще, но в покая́ние те́плое прише́дше, о сем моли́тися дерза́ем, да гнев Госпо́день на ми́лость к нам преложи́тся, и тебе́, святи́телю Бо́жий и чудотво́рче, усе́рдно про́сим: проли́й те́плую моли́тву твою́ ко Христу́ Го́споду на́шему, Ему́же днесь предстои́ши и мо́лишися о почита́ющих тя с любо́вию и смире́нным на твое́ предста́тельство упова́нием.

Се бо в житии́ твое́м, святи́телю Христо́в, ни еди́наго же скорбя́ща и ми́лости твоея́ прося́ща, грехи́ же своя́ испове́дающа, николи́же презре́л еси́. Умоли́ Пра́веднаго Судию́, да преложи́т гнев пра́вды Своея́ на ми́лование на́ше. Благода́тию Его́, тебе́ да́нною, святи́телю милосе́рдый, уврачу́й на́ша не́мощи, боле́зней лю́тых тече́ния уста́ви, сме́рти отыти́ повели́ и на покая́ние си́лу нам да́руй.

Ста́рость поддержи́, младе́нцы воспита́й, ю́ность уцелому́дри, супру́жества в чистоте́ и смире́нии утверди́, нам же всем послуша́ние трудолю́бное и ми́рное жи́тельство моли́твою твое́ю да́руй, да терпе́нием тече́м на предлежа́щий нам по́двиг жития́ сего́ вре́меннаго, взира́юще на Нача́льника ве́ры и Соверши́теля Го́спода Иису́са, Ему́же сла́ва во ве́ки веко́в. Ами́нь.

О присносла́внии Христо́вы пра́ведницы, святи́и Богоотцы́ Иоаки́ме и Анно, предстоя́щии Небе́сному Престо́лу вели́каго Царя́ и ве́лие дерзнове́ние к Нему́ иму́щии, я́ко от Преблагослове́нныя Дще́ри ва́шея, Пречи́стыя Богоро́дицы и Присноде́вы Мари́и, воплоти́тися изво́лившему! К вам, я́ко многомо́щным предста́телем и усе́рдным о нас моли́твенником, прибега́ем мы, гре́шнии и недосто́йнии.

Моли́те бла́гость Его, я́ко да отврати́т от нас гнев Свой, по дело́м на́шим пра́ведно на ны дви́жимый, и да безчи́сленная прегреше́ния на́ша презре́в, обрати́т нас на путь покая́ния и на стези́ за́поведей Свои́х да утверди́т нас. Та́же моли́твами ва́шими в ми́ре живо́т наш сохрани́те и во всех благи́х благо́е поспеше́ние испроси́те, вся я́же к животу́ и благоче́стию потре́бная нам от Бога да́рующе, от вся́ких напа́стей и бед и внеза́пныя сме́рти предста́тельством ва́шим нас избавля́юще и от всех враг ви́димых и неви́димых защища́юще, я́ко да ти́хое и безмо́лвное житие́ поживе́м во вся́ком благоче́стии и чистоте́, и та́ко в ми́ре вре́менное сие житие́ преше́дше, в ве́чный дости́гнем покой, иде́же ва́шим свя́тым умоле́нием да сподо́бимся Небе́снаго Ца́рствия Христа́ Бо́га на́шего, Ему́же со Отце́м и Пресвяты́м Духом подоба́ет вся́кая сла́ва, честь и поклоне́ние во ве́ки веко́в. Ами́нь.

О вели́кий правосла́вныя ве́ры ревни́телю и учи́телю, свя́те прему́дре Ио́сифе! Приими́ моле́ние, от нас гре́шных тебе́ приноси́мое, и те́плым предста́тельством умоли́ в Тро́ице сла́вимаго Бо́га, да низпо́слет Он бога́тыя Своя́ ми́лости нам гре́шным, да утверди́т во Святе́й Свое́й Правосла́вней Це́ркви пра́вую ве́ру и благоче́стие: па́стырем ея́ святу́ю ре́вность о спасе́нии слове́снаго ста́да да пода́ст, я́ко да ве́рующия соблюду́т, неве́рующия же и отпа́дшия от и́стинныя ве́ры вразумя́т и обратя́т.

Та́же и всем нам испроси́ вся благопотре́бная во вре́меннем сем житии́ и поле́зная к ве́чному спасе́нию на́шему. Помяни́ ста́до твое́, е́же собра́л еси́, не забу́ди посеща́ти чад твои́х, и я́ко чадолюби́вый отец, не пре́зри, ниже́ отри́ни моле́ния на́ша, но воздежи́ ру́це твои́ моли́твенныя ко Го́споду Бо́гу, да отложи́т пра́ведный гнев Свой, дви́жимый на ны, и изба́вит нас от враг ви́димых и неви́димых, от гла́да, пото́па, меча́, смертоно́сныя я́звы, наше́ствия иноплеме́нных и междоусо́бныя бра́ни.

О преди́вный уго́дниче Бо́жий Силуа́не! По благода́ти, тебе́ от Бо́га да́нной, сле́зно моли́тися о всей вселе́нней, ме́ртвых, живы́х и гряду́щих, не премолчи́ за ны ко Го́споду, к тебе́ усе́рдно припа́дающих и твоего́ предста́тельства уми́льно прося́щих. Подви́гни, о всеблаже́нне, на моли́тву усе́рдную Засту́пницу ро́да христиа́нскаго, Преблагослове́нную Богоро́дицу и Присноде́ву Мари́ю, чу́дно призва́вшую тя бы́ти ве́рным де́лателем в Ея́ земно́м вертогра́де, иде́же избра́нницы Бо́жии о гресе́х на́ших ми́лостива и долготерпели́ва Бо́га бы́ти умоля́ют, во е́же не помяну́ть непра́вд и беззако́ний на́ших, но по неизрече́нной благода́ти Госпо́да на́шего Иису́са Христа́, уще́дрити и спасти́ ны по вели́цей Его́ ми́лости.

Ей, уго́дниче Бо́жий, с Преблагослове́нной Влады́чицей ми́ра, Святе́йшею Игу́мениею, и святы́ми подви́жниками Ея́ земна́го жре́бия, испроси́ у святы́х Святе́йшаго Сло́ва святе́й горе́ Афо́нстей и боголюби́вым пустынножи́телем ея́ от всех бед и наве́тов вра́жиих в ми́ре сохрани́тися. Да Ангелы святы́ми от зол избавля́еми и Ду́хом Святы́м в ве́ре и братолю́бии укрепля́еми, до сконча́ния ве́ка о Еди́ней Святе́й и Апо́стольстей Це́ркви моли́твы творя́т и всем спаси́тельный путь указу́ют, да Це́рковь земна́я и небе́сная непреста́нно славосло́вит Творца́ и Отца́ Све́тов, просвеща́я и освяща́я мир в ве́чной пра́вде и бла́гости Бо́жией.

Наро́дам всего́ ми́ра испроси́ благоде́нственнаго и ми́рнаго жити́я: ду́ха смиренному́дрия и братолю́бия, добронра́вия и спасе́ния, ду́ха стра́ха Бо́жия. Да не зло́ба и беззако́ние ожесточа́ют сердца́ людска́я, могу́щая истреби́ть любо́вь Бо́жию в челове́цех и низве́ргнути их в богопроти́вныя вражду́ и братоуби́йство, но в си́ле Боже́ственныя любве́ и пра́вды, я́коже на Небеси́ и на земли́ да святи́тся и́мя Бо́жие, да бу́дет во́ля Его́ свята́я в челове́цех и да воцаря́тся мир и Ца́рствие Бо́жие на земли́.

Та́кожде и земно́му оте́честву твоему́, земле́ Росси́йстей, испроси́, уго́дниче Бо́жий, вожделе́ннаго ми́ра и Небе́снаго благослове́ния, во е́же всемо́щным Омофо́ром Ма́тере Божия покрыва́емому, изба́витися от гла́да, губи́тельства, тру́са, огня́, меча́, наше́ствия иноплеме́нников и междоусо́бныя бра́ни, и от всех враг ви́димых и неви́димых, и та́ко святе́йшим до́мом Преблагослове́нныя Богоро́дицы до сконча́ния ве́ка ему́ бы́ти, Креста́ Животворя́щаго си́лой и в любви́ Бо́жией неоскудева́ема утвержде́нна сотвори́ти.

Предлагаем ознакомиться:  Что такое молитва святителю николаю

Нам же, во тьме грехо́в погружа́емым, и покая́ния те́пла, ниже́ стра́ха Бо́жия иму́щим, и си́це безме́рно лю́бящаго нас Го́спода непреста́нно оскорбля́ющим, о всеблаже́нне, у Всеще́драго Бо́га на́шего испроси́, да Свое́ю всеси́льною благода́тию Боже́ственне посети́т и оживотвори́т бе́дныя ду́ши на́ша, и вся́кую зло́бу и го́рдость жите́йскую, уны́ние и нераде́ние в сердца́х на́ших да упраздни́т.

Еще́ мо́лимся, во е́же и нам благода́тию Всесвята́го Ду́ха укрепле́нным и любо́вию Бо́жиею согрева́емым в человеколю́бии и братолю́бии, смиренному́дрии и моли́твенном сраспина́нии друг за дру́га и за всех, в пра́вде Бо́жией утверди́тися и в благода́тней любви́ Бо́жией благонра́вно укрепи́тися и сынолю́бно Тому́ прибли́житися.

И та́ко творя́ Его́ святу́ю во́лю, во вся́ком благоче́стии и чистоте́, вре́меннаго жития́ путь непосты́дно прейти́ и со все́ми святы́ми Небе́снаго Ца́рствия и Его́ а́гнчего бра́ка сподо́битися. Ему́же от всех земны́х и Небе́сных да бу́дет сла́ва, че́сть и поклоне́ние, со Безнача́льным Его́ Отце́м, Пресвяты́м, Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.

О преподо́бнии, богоно́снии, преблаже́ннии отцы́ на́ши Се́ргие и Ге́рмане, зри́телие сла́вы Бо́жия в Небе́снем Ца́рствии! Не пре́зрите нас гре́шных в ну́ждах и ско́рбех на́ших, но ускори́те в по́мощь к вам прибега́ющим: приими́те воздыха́ние и сле́зы и вонми́те смире́нному моле́нию на́шему. Предстоя́ще же Небе́сному Царю́, о преблаже́ннии, моли́те бла́гость Его́, е́же уще́дрити ме́сто селе́ния ва́шего и вся́кому гра́ду и стране́ низпосыла́ти оби́лие благ земны́х;

нас же всех в ве́ре и доброде́телех утверди́ти, избавля́ти же при́сно от вожделе́ний грехо́вных и от нападе́ния ви́димых и неви́димых враго́в: оби́димыя защити́ти, боля́щия уврачева́ти, от томи́тельства злых духо́в свободи́ти, на мо́ри пла́вающия сохраня́ти, путеше́ствующим спутеше́ствовати и вся́кому ве́рному в ну́ждах спосо́бствовати: я́ко Того́ вси есмы́ творе́ние и Того́ есть Ца́рство, и си́ла, и сла́ва во ве́ки веко́в. Ами́нь.

Пе́рвый во диа́конех, пе́рвый и в му́ченицех показа́лся еси́, святы́й Стефа́не апо́столе. Испо́лнь бо ве́ры и си́лы во уче́нии и в зна́мениих вели́к яви́лся еси́, и никто́же возмо́же противуста́ти прему́дрости и ду́ху, и́миже глаго́лал еси́, лице́ же твое́ на со́нмищи ви́дено бысть, я́ко лице́ Ангела.

Те́мже испо́лнен Свята́го Ду́ха быв, ви́дел еси́ отве́рстое не́бо и сла́ву Бо́жию и Сы́на челове́ча, Го́спода на́шего Иису́са Христа́, одесну́ю стоя́ща Бо́га Отца́. Та́же и от жестоковы́йных и уби́йц иуде́ев ка́мением, пред лице́м преблагослове́нныя и моля́щияся о тебе́ Де́вы Ма́тере Его́, побива́емь, прекло́нь коле́на, возопи́л еси́ гла́сом ве́лиим: Го́споди, не поста́ви им греха́ сего́!

И та́ко дух твой Го́споду Иису́су ра́достно пре́дал еси́. Сего́ ра́ди моли́твенника и предста́теля тя стяжа́хом, и коле́на души́ и се́рдца на́шего прекло́ньше, тя мо́лим: воздежи́ ру́це твои́ ко Го́споду и сподви́жи всему ро́ду челове́ческому Предста́тельницу и Хода́таицу к Сы́ну Своему́, Пресвяту́ю Ма́терь Де́ву, и о нас, при́сно прогневля́ющих грехо́м и ле́ностию, моли́ Блага́го Спа́са на́шего, да пода́ст нам благода́ть во благовре́менную по́мощь к покая́нию, и твои́м предста́тельством и заступле́нием Пресвяты́я Ма́тере Своея́, в день он стра́шный и пра́ведный да не поста́вит пред на́ми грехи́ на́ша, но по щедро́там Свои́м, тобо́ю умоле́н быв, да рече́т души́ на́шей: спасе́ние ва́ше есмь Аз во ве́ки веко́в. Ами́нь.

К святым

О блаже́нныя и святы́я жены́, ве́рою и любо́вию Христу́ Бо́гу после́довавшия и во оби́тели Отца́ Небе́снаго всели́вшияся! К вам ны́не аз гре́шная (имя) прибега́ю и смире́нно молю́: научи́те мя и помози́те ми ходи́ти пред Бо́гом путьми́ ва́шими непреткнове́нно и ве́чную ку́пно с ва́ми жизнь насле́довати.

О Ма́рфо пра́ведная, тве́рдым испове́данием ве́ры твоея́ Христу́ угоди́вшая, укрепи́ сла́бую ве́ру мою́. О слу́жбе Го́споду и бра́тиям нелицеме́рне и всеусе́рдне прилежа́вшая, помози́ и мне служе́ние мое́ безро́потне и вседуше́вне проходи́ти. Сестру́ твою́ не́когда, в ско́рби су́щу, ко Христу́ воззвала́ еси́, о́тай ре́кши: у́чи́тель прише́л есть и глаша́ет тя.

Ны́не у́бо предста́ни мне в тру́дный час испыта́ния ве́ры и любве́ моея́ и во глубине́ се́рдца возвести́ ми, я́ко Госпо́дь Иису́с незри́мо гряде́т, да путе́м испыта́ний привлече́т мя к Себе́. Испроси́ мне, о ма́ти свята́я, у Го́спода на́шего си́лу и кре́пость, да возста́вши ско́ро, притеку́ к Нему́, поклоню́ся Ему́ и во смире́нней любви́ Его́ мир и спасе́ние души́ обря́щу.

И ты, о боголюби́вая Мари́е, у ногу́ Иису́сову еди́ное на потре́бу обре́тшая, помоли́ся Ему́ благу́ю часть спаса́емых и мне гре́шней улучи́ти. Ми́ро благово́нное в дар благодаре́ния Христу́ Жизнода́вцу прине́сшая, умоли́ ны́не Его́ и души́ мое́й пода́ти ми́ро моли́твы и покая́ния сле́зы, чистоты́ и до́брых дел благоуха́ние, я́ко да во обновле́нное все́ми си́ми се́рдце мое́ Госпо́дь прии́дет и оби́тель Себе́ сотвори́т.

К вам, о святы́я пра́ведныя жены́ Ма́рфо и Мари́е, припа́даю и смире́нно молю́: не оста́вите мя во дни тя́жких испыта́ний, да не соблазню́ся тле́нными и кра́сными ми́ра сего́, наипа́че же в час го́рький разлуче́ния души́ моея́ с те́лом предста́ните мне и о́бщаго Влады́ку на́шего умоли́те, да при́зрит на мя во оскуде́нии сил мои́х ми́лостивым о́ком, и прости́в вся прегреше́ния моя́, возста́вит мя к жи́зни несконча́емей во блаже́нных оби́телех Отца́ Небе́снаго. Ами́нь.

О пресла́внии язы́к слове́нских учи́телие и просвети́телие, святи́и равноапо́стольнии Мефо́дие и Кири́лле! К вам, я́ко ча́да ко отце́м, све́том уче́ний и писме́н ва́ших просвеще́ннии и в ве́ре Христо́ве наста́вленнии, ны́не усе́рдно прибега́ем и в сокруше́нии серде́ц на́ших мо́лимся. Аще бо и заве́т ва́ших, я́ко ча́да непокори́вая, не соблюдо́хом, и о угожде́нии Бо́гу, я́коже учи́сте, небрего́хом, и от единомы́слия и любве́, ю́же слове́ном, я́ко бра́тиям в ве́ре и по пло́ти, до́бре завеща́сте, отпадо́хом: оба́че, я́коже дре́вле в житии́ ва́шем неблагода́рных и недосто́йных не отвраща́сте тщи, но благи́ми за зла́я воздава́сте, та́ко и ны́не гре́шных и недосто́йных чад ва́ших моли́твы не отврати́те, но я́ко ве́лие иму́щии дерзнове́ние ко Го́споду, при́лежно Того́ моли́те, да наста́вит и обрати́т нас на путь спасе́ния, ра́спри же и раздо́ры, посреде́ единове́рных бра́тий возника́ющия, да умири́т, отпа́дшия па́ки во единомы́слие приведе́т и всех нас едине́нием ду́ха и любве́ во Еди́ней, Святе́й, Собо́рней и Апо́стольстей Це́ркви соедини́т.

Ве́мы бо, ве́мы, я́ко мно́го мо́жет моли́тва пра́веднича ко благосе́рдию Влады́ки, а́ще и о гре́шных лю́дех приноси́ма быва́ет. Не оста́вите у́бо нас, уны́лых и недосто́йных чад ва́ших, и́хже грех ра́ди па́ства ва́ша, ва́ми собра́нная, враждо́ю разделя́ема и собла́зны от инове́рных прельща́ема, ума́лися, о́вцы же ея́ слове́сныя, разсеява́емы от волко́в мы́сленных, восхища́ются: дади́те у́бо нам моли́твами ва́шими о правосла́вии ре́вность, да е́ю возгрева́еми, оте́ческая преда́ния до́бре сохрани́м, уста́вы и обы́чаи церко́вныя ве́рно соблюда́ти потщи́мся, вся́ких лжеуче́ний стра́нных отбежи́м, и та́ко в житии́ богоуго́днем на земли́ преспева́юще, жи́зни ра́йския на Небеси́ сподо́бимся и та́мо с ва́ми вку́пе Влады́ку всех, в Тро́ице Еди́наго Бо́га, просла́вим во ве́ки веко́в. Ами́нь.

О преди́внии и всехва́льнии ца́рие, равноапо́стольнии Константи́не и Еле́но! К вам, те́плым засту́пником, возно́сим на́ша недосто́йныя моли́твы, я́ко ве́лие и́мате дерзнове́ние ко Го́споду. Испроси́те у Него́ мир Це́ркви и всему́ ми́ру благоде́нствие, нача́льником му́дрость, па́стырем попече́ние о па́стве, пасо́мым смире́ние, ста́рцем жела́нное упокое́ние, муже́м кро́тость, жена́м благоле́пие, де́вственником чистоту́, де́тям послуша́ние, младе́нцем христиа́нское воспита́ние, больны́м исцеле́ние, вражду́ющим примире́ние, оби́димым терпе́ние, оби́дящим страх Бо́жий, приходя́щим в храм сей и моля́щимся в нем благослове́ние и всем вся по коего́ждо проше́нию поле́зная, да хва́лим и пое́м Благоде́теля всех Бо́га, в Тро́ице сла́вимаго, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Предлагаем ознакомиться:  МОЛИТВА НА УДАЧУ. 3 сильные молитвы на удачу

Бо́же Святы́й и на святы́х почива́яй, Трисвяты́м гла́сом на Небеси́ от Ангел воспева́емый и на земли́ от челове́к во святы́х свои́х хвали́мый, да́вый Святы́м Твои́м Ду́хом кому́ждо благода́ть по ме́ре дарова́ния Христо́ва и то́ю поста́вивый Це́ркви Твое́й Святе́й о́вы у́бо апо́столы, Овы же проро́ки, Овы же благове́стники, о́вы же па́стыри и учи́тели, и́хже сло́вом про́поведи, Тебе́ Самому́ де́йствующу вся во всех, мно́зи соверши́шася святи́и в ко́емждо ро́де и ро́де, разли́чными доброде́тельми благоугоди́вшии Тебе́, и о́браз нам до́брых подвиго́в свои́х оста́вивше, в ра́дости к Тебе́ преше́дшии, гото́ви су́ще, в не́мже са́ми искуше́ни бы́ша, и нам напа́ствуемым помога́ти!

Сих святы́х всех воспомина́юще и их богоуго́дное житие́ похваля́юще, Тебе́ Сама́го в них де́йствовавшаго восхваля́ем, и о́нех благотворе́ния Твоя́ дарова́ния бы́ти ве́рующе, приле́жно мо́лим Тя, Свя́те Святы́х: даждь нам гре́шным после́довати их уче́нию, житию́, любви́, ве́ре, долготерпе́нию, и их моли́твенною по́мощию, па́че же Твое́ю вседе́йствующею благода́тию Небе́сныя с ни́ми сподо́битися сла́вы, хва́лящим Пресвято́е и́мя Твое́, Отца́, и Сы́на, и Свята́го Ду́ха, во ве́ки веко́в. Ами́нь.

О всеблаже́ннии и богому́дрии уго́дницы Бо́жии, по́двиги свои́ми зе́млю Ру́сскую освяти́вшии и телеса́ своя́, я́ко се́мя ве́ры, в ней оста́вльшии, душа́ми же свои́ми Престо́лу Бо́жию предстоя́щии и непреста́нно о ней моля́щиися! Се ны́не в день о́бщаго ва́шего торжества́ мы, гре́шнии, ме́ньшии бра́тия ва́ши, дерза́ем приноси́ти вам сие́ хвале́бное пе́ние.

Велича́ем ва́ша вели́кия по́двиги, духо́внии во́ины Христо́ви, терпе́нием и му́жеством до конца́ врага́ низложи́вшии и нас от пре́лести и ко́зней его́ избавля́ющии. Ублажа́ем ва́ше свято́е житие́, свети́льницы Боже́ственнии, све́том ве́ры и доброде́телей светя́щиися и на́ши умы́ и сердца́ богому́дренно озаря́ющии.

Прославля́ем ва́ша вели́кая чудеса́, цве́ти ра́йстии, в стране́ на́шей се́верней прекра́сне процве́тшии и арома́ты дарова́ний и чуде́с повсю́ду благоуха́ющии. Восхваля́ем ва́шу богоподража́тельную любо́вь, предста́телие на́ши и покрови́телие, и упова́юще на по́мощь ва́шу, припа́даем к вам и вопие́м: вси святи́и сро́дницы на́ши, от лет дре́вних просия́вшии и в после́дния дни подвиза́вшиися, явле́ннии и неявле́ннии, ве́домии и неве́домии!

Помяни́те на́шу не́мощь и уничиже́ние и моли́твами ва́шими испроси́те у Христа́ Бо́га на́шего, да и мы, безбе́дно преплы́вше жите́йскую пучи́ну и невреди́мо соблю́дше сокро́вище ве́ры, в приста́нище ве́чнаго спасе́ния дости́гнем и в блаже́нных оби́телех Го́рняго Оте́чества вку́пе с ва́ми и со все́ми угоди́вшими Ему́ от ве́ка святы́ми водвори́мся, благода́тию и человеколю́бием Спаси́теля на́шего Го́спода Иису́са Христа́, Ему́же со Преве́чным Отце́м и со Пресвяты́м Ду́хом подоба́ет непреста́нное славосло́вие и поклоне́ние от всех тва́рей во ве́ки веко́в. Ами́нь.

Тропарь, глас 8-й:Благочестия проповедники и воскресения умерших изобразители, Церкви столпы седмочисленныя, отроки всеблаженныя песньми восхвалим: тии бо по многих летех нетления, аки от сна воставше, всем возвестиша яве мертвых востание.

Кондак, глас 4-й:Прославивый на земли святыя Твоя, прежде Втораго и страшнаго пришествия Твоего, Христе, преславным востанием отроков показал еси Воскресение неведящим е, нетленна одеяния и телеса явив, и царя уверил еси вопити: воистинну есть мертвых востание.

Молитва

О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите;

сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.

О том же молятся Ангелу-Хранителю младенца

Предлагаем ознакомиться:  Заговоры на возврат украденных денег || Молитва чтобы вор признался в краже

[*] Творение святителя Тихона, патриарха Московского и всея Руси. Составлена в 1917 году и читалась перед заседаниями Поместного Собора Российской Православной Церкви (1917–1918 гг.).

Святые угодники Божии — наши большие Небесные заступники. Люди, которые вели подвижническую жизнь, сподобились после смерти находится рядом с Богом.

Молитвы верующих христиан ко святым помогают во многих бедах и скорбях.

Православные семьи часто имеют любимых святых, иконы которых держат в домашних иконостасах. Перед этими образами и читают к ним молитвы, которые вы можете увидеть в этом разделе сайта.

  • Молитвы святому мученику Иоанну Воину
  • Сильная молитва святому Николаю Чудотворцу перед экзаменом и о помощи в учебе
  • Православная молитва священномученика Куприяна и Устиньи от колдовства и порчи
  • Православная молитва Спиридону Тримифунтскому о работе
  • Молитва Матроне Московской от порчи, приворотов и сглаза
  • Православная молитва о здоровье ребенка святой Матроне Московской
  • Сильная молитва святому Николаю Чудотворцу в дорогу и путешествие
  • Сильная молитва святому Николаю Чудотворцу на продажу квартиры, дома, машины
  • Сильная молитва матери святому Николаю Чудотворцу о детях
  • Молитвы святому Спиридону Тримифунтскому Чудотворцу
  • Молитва святому Николаю Чудотворцу, исполняющая желания
  • Молитва задержания зла старца Пансофия Афонского
  • Молитва Николаю Чудотворцу, изменяющая судьбу за 40 дней
  • Молитва святому Николаю Чудотворцу о помощи в работе и делах
  • Молитва святому Николаю Чудотворцу о замужестве
  • Молитва святому Николаю Чудотворцу о любви
  • Молитва святому Николаю Угоднику о помощи в деньгах
  • Молитва святому Николаю Чудотворцу на удачу в торговле и бизнесе
  • Сильная молитва Святой Матроне Московской о здоровье родных и близких
  • Сильная молитва о помощи Николаю Чудотворцу
  • Молитва Матроне Московской, чтобы быстро вернуть домой мужа или любимого
  • Молитва святому Спиридону Тримифунтскому о здоровье
  • Православная молитва святой великомученице Екатерине
  • Сильная молитва святой Матроне Московской о замужестве
  • Сильная молитва святой Матроне Московской об учебе и перед экзаменом
  • Молитва Матроне Московской о беременности и зачатии ребенка
  • Сильная молитва Матроне Московской от пьянства и алкоголизма
  • Православная молитва для похудения Матроне Московской
  • Сильная молитва святой Матроне Московской о помощи в деньгах
  • Сильная молитва святой Матроне Московской о помощи в любви и личном счастье
  • Молитва святой Матроне Московской о помощи в семье и сохранении благополучия
  • Молитва святой Матроне Московской о помощи в работе
  • Сильная молитва святому Николаю Чудотворцу об исцелении
  • Молитвы святой Великомученице Анастасии Узорешительнице
  • Молитвы преподобному Амвросию Оптинскому
  • Сильная молитва Луке Крымскому перед операцией, об исцелении, выздоровлении больного и здравии
  • Молитва святому апостолу Андрею Первозванному
  • Молитвы святым Петру и Февронии Муромским о любви и семейном благополучии
  • Православная молитва Матроне московской на покупку квартиры, приобретение жилья
  • Молитва святому Спиридону Тримифунтскому о деньгах и финансовом благополучии
  • Молитва святому Спиридону Тримифунтскому о жилье
  • Молитва святому Целителю Пантелеймону о здравии и исцелении
  • Молитвы святому мученику Трифону
  • Молитвы святителю Иоанну Златоусту
  • Молитвы святителю Митрофану Воронежскому чудотворцу
  • Молитва старца Пансофия Афонского от нечистой силы
  • Молитва святому Тихону, патриарху Московскому
  • Молитвы святому Димитрию Ростовскому
  • Молитва Паисию Святогорцу
  • Молитва Симеону Верхотурскому
  • Молитвы блаженной Ксении Петербургской о замужестве, любви, семейном благополучии и детях
  • Молитва Серафиму Саровскому на успешную торговлю
  • Молитва Иоанну Кронштадтскому от пьянства
  • Молитва Сергию Радонежскому об учебе
  • Молитвы Кизическим мученикам о работе
  • Молитвы святому Георгию Победоносцу
  • Молитвы Франциска Ассизского
  • Молитвы преподобному Александру Свирскому
  • Молитвы Марии Египетской
  • Молитвы равноапостольному князю Владимиру
  • Молитвы Марии Магдалине
  • Молитвы Иоанну Богослову
  • Молитвы апостолам Петру и Павлу
  • Письмо Матроне Московской

Молитвы о семье

В православии семья часто называется Малой Церковью. Семейная жизнь — поистине высокое богоугодное служение.

Верующие семьи не мыслят своей жизни без молитвы и Бога. Через Таинство венчания на верующих супругов сходит Божественная благодать, которая помогает построить действительно прочный и крепкий союз.

Молитвы о счастии в браке, о беременности и детях, о любви вы сможете найти в этом разделе сайта.

Для того, чтобы брак был счастливым, об этом необходимо молиться Господу. Далеко не все находится в руках человека, поэтому без упования на Бога нельзя построить счастливую семью. Необходимые молитвы о браке и супружеских отношениях вы найдете в этом разделе.

Рождение детей — хоть и не единственная, но очень важная часть жизни православной семьи. Молитва родителей о своих чадах имеет особую силу перед Богом и будет всегда услышана, если возносится с искренней верой и чистым сердцем. В этом разделе сайта вы найдете молитвы о даровании детей, о благополучном исходе беременности, об успешной учебе детей и их благополучии.

Любовь

Найти искреннюю и чистую любовь хочет, наверное, каждый человек. Верующих людей отличает то, что они во всем уповают на Бога и верят, что все блага исходят от Него. Многие молодые люди свидетельствуют о том, что нашли свою любовь и смогли создать семью после того, как начали искренне просить Господа о даровании такого счастья. Ниже вы найдете православные молитвы о любви и скорейшем поиске любимого.

Молитвы о болящих

Христианское отношение к болезням предполагает смирение и принятие воли Божьей о человеческой жизни.

Многие верующие свидетельствуют о том, что благодушное перенесение болезней принесло им большие духовные дарования.

В то же время нет ничего плохого в желании иметь крепкое здоровье, и любой верующий человек может просить Господа об исцелении. Ниже вы найдете самые распространенные молитвы о здравии, используемые верующими христианами.

Молитвы от страстей

Слово «страсть» имеет общий корень со словом «страдание». Человек, который подвергается действию страстей в душе — это несчастный человек, страждущий. Страсти высушивают душу человека, лишают его радости жизни, уводят от Бога.

Весь опыт православной веры направлен на преодоление страстей, которые и приводят ко всем грехам в жизни.

В этом разделе сайта вы найдете статьи и молитвы, которые помогут понять, как бороться со страстями в своей душе.

Благоденствующие

Кроме просительных молитв к Богу, в которых мы молим о подаче каких-либо земных или духовных благ, православные христиане обращаются к Господу со словами благодарности.

Святые отцы считают благодарственные молитвы более важными, чем просительные.

В суете жизни мы часто забываем, что Господь подает нам все необходимое в этой жизни и забываем Его благодарить. Ниже находятся молитвы, которыми верующие люди выражают свою благодарность ко Господу за все имеющиеся блага.

Понравилась статья? Поделиться с друзьями:
Твоя молитва
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

Adblock detector